Ich habe in meinem langen Leben unzählige Gedichte verfasst. Die nach meiner Auffassung besten Werke sind in dem 2024 erschienenen Buch "Oiss dadenkt" zusammengefasst (siehe auch Rubrik Aktuelles und Rückschau).

Die neuen Gedichte werden zum Teil in jedem Monat auf dieser Seite veröffentlicht.

2026- Gedichte des Monats

können als Audio-Datei abgehört werden (Balken anklicken)

A bsunders Glück

I hetz nit nach dem groußn Glück,

mir glangt mei Glück, mei kloans.

A Tag mit dir, alloa mit dir

und du, du schmiegst di her za mir.

Aus zwoamoi Glück werd oans.

Des kloane Glück kimmt nit va selbm,

ma muaß dafür was doa.

Was z’essn brauchst, a Gwand, a Bett.

A Streit bringt nix, bringt bloß a Gfrett,

zan Schluss bist dann alloa.

Zan Glücklichsei(n) brauchts aa a Glück,

es liegt nit grad an dir.

Koan Unfoi, Gsundheit, Fried‘ und Freid,

an echtn Freind in schwarer Zeit,

des oiss, des wünsch i mir.

A Glück wannst findst, na hoits guad fest,

sunst gehts vorbei im Nuh.

I derf a bsunders Glück dalebm,

hab eahm an Platz im Herzn gebm.

Mei bsunders Glück bist du.

Wieder Früahling

Bist heit grantig? Auf mi grantig?

Sitz di her und red mit mir.

Re(d)n hat doch no nia was kost‘.

Oa guads Wort und glei werds wärmer.

Zwischn ins verfliagt da Frost.

Bist heit traurig? Zweng mir traurig?

S duad ma load, i mag di doch.

Wo no Liab is, werd nix gfriern

und was gfrorn is, werd zerrinna.

Boid wern wieder Bleame blüahn.

Bist heit angstig? Um ins angstig?

Was is gwen und was werd sei?

Habm ins doch so lang scho gern.

I verscheich de koitn Gspenster,

na konns wieder Früahling wern,

wieder Früahling in ins wern.

Da Früahlings-Muffl

„Da Früahling is de scheenste Zeit“.

I ko des nimma hörn.

Des Schwärma für de Joahreszeit

duad mi oft fast scho störn.

I geh nit auße vor de Tür.

Was soit i denn da draußt?

Bleib gmüatlich drin in meiner Stubm,

weils mi vorm Früahling graust.

A Rest van Schnee - i rutschert aus,

des kunnt ma s Kreiz verreißn

und gehts bled her, passiererts leicht,

es kunnts mi sauber schmeißn.

Ma sagt, wanns iatz boid wärmer werd,

werd ma si jünger fühln.

I trau dem lauen Lüfterl nit,

i kunnt mi ja verkühln.

De Früahlingssunn vertrag i nit,

duad meiner Haut nit guad.

An Hautkrebs soin si andre hoin.

I bin da auf da Huat.

Im Früaling boizt da Hoh um d Henn,

für des bin i scho z’oid.

De Baam schlagn aus, oiss spriaßt und treibt.

Mi lasst des völlig koid.

I woaß, daß i za Früahlingszeit

brav hintern Ofn bleib.

Grad oans kunnt mi da vürahoin -

a junges, fesches Weib,

a Weib zan „Zeitvertreib“.

De Joahr san verganga

Wann i iatz boid geh

Zeit - dalebt mit dir

2025- Gedichte des Monats

können als Audio-Datei abgehört werden (Balken anklicken)

Aus meinem Band "A bsundre Zeit" - Gedichte zur Weihnachtszeit

Im neien Joahr

Überlebm

Aus meinem Band "A bsundre Zeit" - Gedichte zur Weihnachtszeit 

Hirtn

Mia zwoa

Zfriednheit

Aus meinem neuen Bildband "De Berg -mei Freid"

Mei Dank an de Berg

Newei im Hirn

A Bruckn baun

Lassts mi schlafn

Koa Regn (Der Süden Europas stöhnt)

Pessimist

Aufeghanglt (hinauf gehangelt)

Lass di van Wind nit treibm

Bin fast umasunst

Außetragn

Seelnverwandt

Leo – du fehlst ma

Traam

A Kinder-Seel

Grad moi schaun

Geheimnis der Bergsteigerei

Sylvester

Was bleibt

Aus meinem Band "A bsundre Zeit"

Es san nit grad de Wirt

I setz auf di

Verzicht

An deiner Hand, mei Kind

Krimi

Da Wind wann si draht

Wannst mi amoi brockst

Sunst is s umsunst

Um an Finger    (Die Finger meiner Enkelkinder)

Null zu null

Da Zeitwind.

I fürcht mi nit

Schuid is d EU

Wia bin i?

Oid wern

Dei Spur -  (für einen lieben Menschen)

Wiast as machst, is s verkehrt

Da Früahling bist für mi

"Öster"-reich

Durchbruch

Bergsteign im Alter

Verliabt, des is gwesn

Mei Enklkind

Ganz nahand da

Dei Dahoam

I waar nit i selber

So hat jeder sei Freid

Broutlose Kunst

Geh ins Liacht

De KI            (die künstliche Intelligenz)

Scho z’spat?

Ab und zua brauch i s

Des hast davo!

Im Kloana fangts

Po-Ebene

Lass di nit unterkriagn

"Oim-Bleamei" brockn

Erderwärmung

Handzeichn

A Sprachrohr

Oiss lasst nach

Wia d‘ Liab is

Auße gschwind

Gedanknkarussell

De richtige Zeit

Da Woif kimmt

Da liabste Wunsch